აშშ-ის პრეზიდენტმა, დონალდ ტრამპმა 31 ივლისის ღამეს კიევზე განხორციელებული რუსული თავდასხმა დაგმო, რომლის შედეგადაც, სულ მცირე, 16 ადამიანი დაიღუპა. ტრამპმა რუსეთის ქმედებებს ამაზრზენი უწოდა.
„რუსეთი, ვფიქრობ, რასაც ისინი აკეთებენ, ამაზრზენია. ეს ბაიდენის ომია და არა ჩემი. ვფიქრობ, ის, რასაც რუსეთი აკეთებს, ძალიან სამწუხაროა. ბევრი რუსი იღუპება, უფრო მეტი რუსი იღუპება. უკრაინელები იღუპებიან“, – განაცხადა მან ჟურნალისტებთან საუბრისას.
გარდა ამისა, ამერიკელმა ლიდერმა რუსეთის წინააღმდეგ ახალი სანქციების დაწესებაზე ისაუბრა.
„ჩვენ სანქციებს დავაწესებთ. არ ვიცი, აწუხებს თუ არა ეს მას [პუტინს]. სანქციებზე, ტარიფებსა და სხვა საკითხებზე ყველაზე მეტი ვიცი. არ ვიცი, ექნება თუ არა ამას ეფექტი, მაგრამ ჩვენ ამას გავაკეთებთ. ეს არის ომი, რომელიც არასდროს უნდა დაწყებულიყო“, – დასძინა აშშ-ის პრეზიდენტმა.