უკრაინაში ანტიკორუფციულმა სააგენტოებმა ქრთამის აღების მასშტაბური სქემა გამოავლინეს, რომელიც დრონებისა და ბრძოლის რადიოელექტრონული საშუალებების შესყიდვებისას გამოიყენებოდა. დაკავებულია რადის დეპუტატი ალექსეი კუზნეცოვი და კიდევ რამდენიმე მაღალჩინოსანი.
მომხდარს სოციალურ ქსელში პრეზიდენტი ვოლოდიმირ ზელენსკი გამოეხმაურა და დაწერა, რომ ქვეყანაში კორუფციის მიმართა „ნულოვანი ტოლერანტობა“ იქნება.
„უკრაინის პარლამენტის წევრი, ოლქებისა და ქალაქების ხელმძღვანელები და ეროვნული გვარდიის რამდენიმე წევრი ქრთამის აღებაში არიან მხილებულები. მადლობას ვუხდი ანტიკორუფციულ სააგენტოებს მათი მუშაობისთვის“, – დაწერა ზელენსკიმ.
უკრაინის ანტიკორუფციული სააგენტოების დამოუკიდებლობა ხუთშაბათს, საპროტესტო აქციების შემდეგ აღდგა.
კომენტარები