ევროკავშირის უმაღლესი წარმომადგენელი კაია კალასი აცხადებს, რომ „ჰამასის“ მიერ გავრცელებული ვიდეო, რომელშიც ისრაელელი მძევლები არიან ნაჩვენები, შემაძრწუნებელია.
„ისრაელელი მძევლების სურათები შემაძრწუნებელია და აჩვენებს „ჰამასის“ ბარბაროსობას. ყველა მძევალი უნდა გათავისუფლდეს დაუყოვნებლივ და უპირობოდ. „ჰამასი“ უნდა განიარაღდეს და დაასრულოს თავისი მმართველობა ღაზაში. ამავდროულად, ფართომასშტაბიანი ჰუმანიტარული დახმარება უნდა მიეწოდოთ მათ, ვისაც სჭირდება“, – წერს კალასი X-ზე.
ცნობისთვის, მანამდე „ჰამასმა“ გაავრცელა ვიდეო, სადაც ნაჩვენებია ერთ-ერთი ისრაელელი მძევალი, რომელიც უკიდურესად გამხდარია. როგორც ისრაელის მედია წერს, ეს ვიდეო ასახავს, თუ რამდენად მძიმე პირობებში არიან მძევლები.
კომენტარები