“ხალხის ძალის“ წევრი დავით ქართველიშვილი სოციალურ ქსელში ფილოსოფოსს ზაზა შათირიშვილის წერილს ეხმიანება და აღნიშნავს, რომ „ჩვენს თვალწინ ევროკავშირს დემონსტრაციულად აკოტრებენ პოლიტიკურად და ეკონომიკურად. მას ფაქტიურად გადარჩენის შანსს არ უტოვებენ. ისეთივე შანსს – რომელიც არც 1991 წლის “ჩამოსხმის” საბჭოთა კავშირს არ დაუტოვეს, როდესაც “შეიარაღების რბოლაში” ხელოვნურად ჩაგდებით, სოციალურ-ეკონომიკურად გაღატაკებული იმპერია დაშლამდე მიიყვანეს განსაკუთრებული ცინიზმის ფონზე.“
მისი თქმით, წინ ევროკავშირს ელოდება აღშფოთებული ფერმერების, მუშათა კლასის და საჯარო მოხელეების გაფიცვები და ფართომასშტაბიანი საპროტესტო აქციები.
„ჩვენს თვალწინ ევროკავშირს დემონსტრაციულად აკოტრებენ პოლიტიკურად და ეკონომიკურად. მას ფაქტიურად გადარჩენის შანსს არ უტოვებენ. ისეთივე შანსს – რომელიც არც 1991 წლის “ჩამოსხმის” საბჭოთა კავშირს არ დაუტოვეს, როდესაც “შეიარაღების რბოლაში” ხელოვნურად ჩაგდებით, სოციალურ-ეკონომიკურად გაღატაკებული იმპერია დაშლამდე მიიყვანეს განსაკუთრებული ცინიზმის ფონზე: 1991 წლის მარტში ჩატარებულ საკავშირო რეფერენდუმზე გამოკითხულთა უმრავლესობამ სსრკ-ს შენარჩუნებას მისცა ხმა, ხოლო 9 თვის შემდეგ ამ სახელწოდების სახელმწიფო აღარ არსებობდა. დამკვეთი მაშინაც და დღესაც – “დიფ სთეიტია”. შეიცვალა მხოლოდ სამიზნე”: დღეს მოსკოვი – ბრიუსელმა ჩაანაცვლა, ხოლო მიხეილ გორბაჩოვი – ურსულა ფონ დერ ლაიენმა. წინ ევროკავშირს ელოდება აღშფოთებული ფერმერების, მუშათა კლასის და საჯარო მოხელეების გაფიცვები და ფართომასშტაბიანი საპროტესტო აქციები. ეს კინო ჩვენ უკვე ნანახი გვაქვს და მეორედ ამ ფოცხზე დაბიჯების არანაირი სურვილი არ გაგვაჩნია.“ – წერს ქართველიშვილი.