არანაირი გაუგებრობა არ ხდება მაშინ, როცა ბანკის მცირე ვალი გაქვს, თუ აგვიანებ, ეს ვალი უსაშველოდ გეზრდება. აქ არანაირ დაგვიანებაზე ან გაუგებრობაზე ლაპარაკი არ არის ხოლმე, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.
ვოლსკის თქმით, უნდა გაკეთდეს კვალიფიციური დასკვნა და მამუკა ხაზარაძეს თავდაცვის საშუალება უნდა ჰქონდეს.
„არც მაშინ იყო გაუგებრობა, როცა ალეკო ელისაშვილი ამბობდა, რომ „თიბისი“ ბანკი ხალხის ძარცვაში მონაწილეობდა. გაუგებრობა მაშინ არ ყოფილა. ისიც არ უნდა გვეგონოს, რომ გერმანია სახელმწიფო გადასახადებს იხდის და თავისუფალ თანხას გამქირავებელს აძლევს. მისი განცხადება გაუგებრობაზე არარეალურია. ვფიქრობ, კვალიფიციური დასკვნა უნდა გაკეთდეს და ხაზარაძეს თავდაცვის საშუალება უნდა ჰქონდეს. ამის სრული საშუალება აქვს, ამიტომ, მისი ქმედება საზოგადოებამ უნდა განსაჯოს.
რაც შეეხება გერმანიის დამოკიდებულებას ქვეყნის მიმართ, რამდენად უპატივცემულო დამოკიდებულებაა, როცა იმ ადამიანისგან ფართს ქირაობ, ვის მიმართაც სასამართლოს გადაწყვეტილება აქვს გამოტანილი. არათუ ეს საკითხი არ აინტერესებს, არამედ ექსტრემალურად უარყოფითი დამოკიდებულება აქვს ქვეყნის მიმართ და ამას დემონატრირებას უკეთებს. სამწუხარო ფაქტია, მაგრამ ეს არის რეალობა“, – განაცხადა ვოლსკიმ.