სოფელ ციხისჯვრის მიმდებარე ტყის მასივში ქარბორბალამ ხეები ფესვიანად მოგლიჯა.
წიწვოვანი და ფოთლოვანი ხეები 5 ჰექტარზეა დაზიანებული, მათ შორის რამდენიმე ასწლოვანი ხეა. გარემოს დაცვის სამცხე-ჯავახეთის სამსახური ადგილზე სწავლობს მიყენებულ ზარალს. დასკვნის საფუძველზე გადაწყდება თუ სად გამოიყენებენ დაზიანებულ ხეებს.
ადგილობრივი მცხოვრებლების თქმით, ქარბორბალა სოფლამდე რომ ჩამოსულიყო ციხისჯვარს გაანადგურებდა. imedinews-ს ერთ-ერთმა მკვიდრმა განუცხადა, რომ მსხვილფეხა პირუტყვი ტყეში ჰყავდა საძოვრად გაშვებული, ქარბორბალას შედეგად წაქცეულმა ხემ კი ძროხა მოუკლა.
ინფორმაციას “იმედი ნიუსი” ავრცელებს.
კომენტარები