„ყველაზე ძლევამოსილი სახელმწიფოს, აშშ-ის სათავეში გამოჩნდა კაცი – ტრამპი, რომელიც ნაღდი ვაჟკაცი და ქართველია. ეროვნება, უბრალოდ, ბუნებრივი დიფერენციაცია და მრავალფეროვნებაა, თორემ ყველა ნაღდი და კაი კაცი ქართველია!“, – ამის შესახებ „ეროვნულ განმათავისუფლებელი მოძრაობის“ წევრმა ირაკლი წერეთელმა „ვერსიასთან“ ინტერვიუში აღნიშნა.
„ძალიან მეცინება, როცა ამბობენ, სამშობლო იღუპებაო. ეს იდიოტობა და საქართველოს ისტორიის უცოდინრობაა! თუ ყველა ქართველმა თავი არ მოვიკალით, როგორ შეიძლება, 21-ე საუკუნეში საქართველო დაიღუპოს?! საქართველო სრულუფლებიანი დამოუკიდებელი სახელმწიფოა, რომლის სუვერენიტეტიც მსოფლიოს მიერ უმაღლეს დონეზეა აღიარებული. ბოლოს და ბოლოს, ყველაზე ძლევამოსილი სახელმწიფოს, აშშ-ის სათავეში გამოჩნდა კაცი _ ტრამპი, რომელიც ნაღდი ვაჟკაცი და ქართველია. ყველა კაცი, ამერიკელია, იაპონელი, ქართველი თუ იტალიელი, ერთნაირია. ეროვნება, უბრალოდ, ბუნებრივი დიფერენციაცია და მრავალფეროვნებაა, თორემ ყველა ნაღდი და კაი კაცი ქართველია! ქართველებმა როცა მოვინდომეთ, ყველა, მათ შორის, დღევანდელზე ბევრად ძლიერი _ საბჭოთა ხელისუფლება წავაქციეთ, შევარდნაძეც წავაქციეთ და მიხეილ სააკაშვილიც“, – განაცხადა წერეთელმა.