ირანმა სპარსეთის ყურეში უცხოური ნავთობტანკერი დააკავა. ირანული მედიის თანახმად, დაკავებულია ხომალდის ბორტზე მყოფი 17 ადამიანი.
გავრცელებული ცნობით, ხომალდით ორ მილიონ ლიტრზე მეტი კონტრაბანდული დიზელის საწვავი გადაჰქონდათ.
საწვავის გადამტანი ხომალდი ირანის ექსკლუზიურ წყლებში, ჯასკის პორტთან ახლოს დააკავეს.
ოპერაციაში ირანის სასაზღვრო პოლიცია და სამხედრო-საზღვაო ძალები მონაწილეობდნენ.
ექსპერტებმა ჩამორთმეული საწვავის ღირებულება 759 მილიარდ ირანულ რიალად (დაახლოებით 18 მილიონი აშშ დოლარი) შეაფასეს.
კომენტარები