ამერიკის პრეზიდენტმა, დონალდ ტრამპმა ხელი მოაწერა განკარგულებას, რომლითაც ჩინურ იმპორტზე ტარიფების შემოღება სამი თვით გადავადდა. ამის შესახებ ინფორმაციას CNBC-ი და The Wall Street Journal-ი თეთრ სახლზე დაყრდნობით ავრცელებენ.
ეს გადაწყვეტილება მიღებულია წინა 90-დღიანი პაუზის ვადის ამოწურვამდე ცოტა ხნით ადრე.
როგორც CNBC-ი აღნიშნავს, ახალი გადავადება მოსალოდნელი შედეგი იყო აშშ-ისა და ჩინეთის წარმომადგენლებს შორის მოლაპარაკებების ბოლო რაუნდის შემდეგ, რომელიც ივლისის ბოლოს სტოკჰოლმში გაიმართა.
ორშაბათს დონალდ ტრამპმა განაცხადა, რომ აშშ „ძალიან კარგად ეწყობა ჩინეთს“ და მას პირადად „ძალიან კარგი ურთიერთობა აქვს“ ჩინეთის პრეზიდენტთან, სი ძინპინთან.
მანამდე ტრამპი არ გამორიცხავდა, რომ სი ძინპინს პირადად შეხვდებოდა წლის ბოლომდე.
კომენტარები