რუსულ ძალებმა უკრაინის შეიარაღებული ძალების სასწავლო-სამწვრთნელო ცენტრი დაბომბა, რის შედეგადაც ერთი უკრაინელი სამხედრო დაიღუპა. ინფორმაციას უკრაინის შეიარაღებული ძალების სახმელეთო სარდლობა ავრცელებს.
დაბომბვის შედეგად 11 უკრაინელი სამხედრო დაიჭრა. კიდევ 12 ადამიანმა მწვავე სტრესი და აკუსტიკური ტრავმა მიიღო. მათ სამედიცინო დახმარება ადგილზე გაეწიათ.
უკრაინის შეიარაღებულ ძალებში აღნიშნავენ, რომ სასწავლო ცენტრის ტერიტორიაზე მყოფი პირადი შემადგენლობა მოსალოდნელი რუსული თავდასხმის შესახებ გააფრთხილეს, თუმცა სამხედროებმა დაზიანებები დაცული თავშესაფრისკენ გადაადგილების დროს მიიღეს.
კომენტარები