უახლოეს მომავალში იუსტიციის სახლის ფილიალები გაიხსნება გლდანში, მცხეთაში, ხელვაჩაურში, ზოტში, ჭალაში, ტოლებსა და ახმეტაში.
როგორც იუსტიციის მინისტრმა, პაატა სალიამ განაცხადა, სერვისების ხელმისაწვდომობის გაუმჯობესების მიზნით, მთელი ქვეყნის მასშტაბით, თბილისსა და რეგიონებში სამშენებლო სამუშაოები აქტიურად მიმდინარეობს.
„მიმდინარე წლის განმავლობაში სამი ახალი იუსტიციის სახლის გახსნა იგეგმება. პირველრიგში ეს არის გლდანში არსებული იუსტიციის სახლი, რომლის მშენებლობა მალე დასრულდება და მოქალაქეებს შეეძლებათ ისარგებლონ ყველა იმ სერვისით, რომლის მიღება შესაძლებელია ცენტრალურ იუსტიციის სახლში.
რეგიონებში აქტიურად ხორციელდება იუსტიციის სახლების მშენებლობა და წლის ბოლომდე ორი ახალი იუსტიციის სახლი იქნება დასრულებული“, – აღნიშნა იუსტიციის მინისტრმა, პაატა სალიამ.