ვოლოდიმირ ზელენსკისთან და დონალდ ტრამპთან შეხვედრის შემდეგ, ემანუელ მაკრონმა პრესასთან ისაუბრა. ინფორმაციას ამის შესახებ ფრანგული გამოცხემა Le Monde-ი ავრცელებს.
„დონალდ ტრამპთან საუბარმა საშუალება მოგვცა, ნათელი მოჰფენოდა მის განზრახვებს და ჩვენ კი, ჩვენი მოლოდინები გამოგვეხატა“, – განაცხადა მან.
„ჩვენ გვსურს, რომ უკრაინასთან დაკავშირებული ყველა საკითხი უკრაინასთან ერთად განიხილებოდეს. ჩვენ გვინდა მდგრადი და გრძელვადიანი მშვიდობა – მშვიდობა, რომელიც მოაგვარებს ტერიტორიულ საკითხებს და უზრუნველყოფს უსაფრთხოების გარანტიებს მომავლისთვის“, – აღნიშნა საფრანგეთის ლიდერმა.
მისი თქმით, პრეზიდენტმა ტრამპმა ძალიან მკაფიოდ განაცხადა, რომ ამერიკის სურვილია, ალასკაზე გასამართ შეხვედრაზე ცეცხლის შეწყვეტა იყოს მიღწეული.
„კიდევ ერთი ელემენტი არის კავშირი, რომელიც უნდა შენარჩუნდეს ნებისმიერ ტერიტორიულ დათმობასა და უკრაინისთვის მიცემულ უსაფრთხოების გარანტიებს შორის. პრეზიდენტმა ტრამპმა ეს მკაფიოდ გამოხატა. მან ისეთი რამეც თქვა, რაც ჩემთვის ძალიან მნიშვნელოვანია: ნატო არ უნდა იყოს ამ უსაფრთხოების გარანტიების ნაწილი და ჩვენ ვიცით, რომ ეს განსაკუთრებით მნიშვნელოვანი საკითხია რუსული მხარისთვის, მაგრამ ამის ნაცვლად, შეერთებული შტატები და ყველა მოკავშირე, რომელიც მზად არის, უნდა გახდეს ამ პროცესის მონაწილე. ეს არის ის, რაზეც ჩვენ შევთანხმდით და ჩემთვის ეს ძალიან მნიშვნელოვანი დაზუსტებაა“, – დასძინა მან.