აშშ-ის პირველმა ლედიმ მელანია ტრამპმა ექს-პრეზიდენტის ჯო ბაიდენის ვაჟიშვილს ჰანთერ ბაიდენს წერილი გაუგზავნა, სადაც იმუქრება, რომ მის წინააღმდეგ ცილისმწამებლური განცხადებების გამო სასამართლოში სარჩელს შეიტანს. ინფორმაციას Fox News-ი ავრცელებს.
ტელეარხის ცნობით, აგვისტოს დასაწყისში ჰანთერ ბაიდენმა განაცხადა, რომ არასრულწლოვნების გარყვნაში ეჭვმიტანილმა ამერიკელმა ფინანსისტმა ჯეფრი ეფშტეინმა გააცნო მელანია ტრამპი დონალდ ტრამპს. აშშ-ის პირველი ლედი ამტკიცებს, რომ ეს განცხადება არის სიცრუე.
ტელეარხმა მელანია ტრამპის მიერ ბაიდენისადმი გაგზავნილი წერილის ნაწილი გაასაჯაროვა, სადაც საუბარია იმაზე, რომ „ყალბი, დამამცირებელი, ცილისმწამებლური და წამქეზებლური განცხადებები ძალზე უღირსია და მედიამ ის აიტაცა“. მელანია მოითხოვს, რომ ჰანთერ ბაიდენმა საკუთარი სიტყვები უარყოს. ხოლო, თუ ექს-პრეზიდენტის შვილი ამას 7 აგვისტომდე არ იზამს, მელანია ტრამპს სასამართლოში მოუწევს სარჩელის შეტანა.
როგორც წყარო Fox News-ს უყვება, ჰანთერ ბაიდენს საკუთარი სიტყვები უკან არ წაუღია.