ევროკავშირი კიდევ ერთხელ მოუწოდებს ისრაელს, შეაჩეროს საცხოვრებელი სახლების მშენებლობა დასავლეთ სანაპიროზე და აცხადებს, რომ ეს საერთაშორისო სამართლის დარღვევაა. ამის შესახებ ევროკავშირის უმაღლესმა წარმომადგენელმა, კაია კალასმა განაცხადა.
„ისრაელის ხელისუფლების გადაწყვეტილება, დასავლეთ სანაპიროზე საცხოვრებელი სახლების მშენებლობის გეგმის წინ წაწევის შესახებ, კიდევ უფრო უთხრის ძირს ორი სახელმწიფოს პრინციპზე დაფუძნებულ გადაწყვეტას და, ამავდროულად, საერთაშორისო სამართლის დარღვევას წარმოადგენს. ევროკავშირი კიდევ ერთხელ მოუწოდებს ისრაელს, შეაჩეროს საცხოვრებელი სახლების მშენებლობა“, – აცხადებს კალასი.
კომენტარები