აშშ-ის პრეზიდენტს დონალდ ტრამპს, რუსეთისა და უკრაინის პრეზიდენტებთან – ვლადიმერ პუტინსა და ვოლოდიმირ ზელენსკისთან სამმხრივი ფორმატის მოლაპარაკებების ორგანიზება მომავალ პარასკევს სურს. ინფორმაციას გამოცემა Axios-ი ავრცელებს.
გამოცემას წყაროებმა ასევე დაუდასტურეს, რომ ტრამპთან შეხვედრისას პუტინმა მზადყოფნა გამოთქვა, უკრაინისთვის უსაფრთხოების გარანტიების მიცემას დათანხმდეს, თუმცა კრემლის ლიდერს სურს, უკრაინის უსაფრთხოების გარანტი არა დასავლეთი, არამედ ჩინეთი იყოს.
ორშაბათს ვაშინგტონში, აშშ-ის პრეზიდენტის, დონალდ ტრამპისა და უკრაინის პრეზიდენტის, ვოლოდიმირ ზელენსკის შეხვედრა გაიმართება. არსებული ინფორმაციით, თეთრ სახლში მიწვეულები არიან ევროპელი ლიდერებიც.
კომენტარები