გერმანიის კანცლერი ფრიდრიხ მერცი ადასტურებს, რომ ორშაბათს ვაშინგტონში გაემგზავრება, სადაც აშშ-ისა და უკრაინის პრეზიდენტების მოლაპარაკებებში მიიღებს მონაწილეობას. შესაბამისი განცხადება გერმანიის ფედერალურმა მთავრობამ გაავრცელა.
„ეს ვიზიტი წარმოადგენს აშშ-ის პრეზიდენტთან, დონალდ ტრამპთან ინფორმაციის გაცლას ალასკაში რუსეთის პრეზიდეტთან, ვლადიმერ პუტინთან მისი შეხვედრის შემდეგ. კანცლერი მერცი განიხილავს სამშვიდობო ძალისხმევის სტატუსს სახელმწიფოებისა და მთავრობების მეთაურებთან და ხაზს გაუსვამს გერმანიის ინტერესს უკრაინაში სამშვიდობო შეთანხმების სწრაფად დადებაში. მოლაპარაკებები, სხვა საკითხებთან ერთად, შეეხება უსაფრთხოების გარანტიებს, ტერიტორიულ საკითხებს და რუსეთის აგრესიის წინააღმდეგ თავდაცვაში უკრაინის მხარდაჭერის გაგრძელებას. ეს მოიცავს სანქციების ზეწოლის შენარჩუნებას“, – განაცხადა კანცლერის პრესსპიკერმა.
ცოტა ხნის წინ ვაშინგტონში გამგზავრების შესახებ განაცხადა ევროკომისიის პრეზიდენტმა, ურსულა ფონ დერ ლაიენმაც.