ვაშინგტონში დონალდ ტრამპთან დაგეგმილ შეხვედრაზე ვოლოდიმირ ზელენსკის და ევროპელ ლიდერებს ფინეთისა და საფრანგეთის პრეზიდენტები შეუერთდებიან. აღნიშნულ ინფორმაციას ადასტურებენ ფინეთისა და საფრანგეთის პრეზიდენტების ოფისები.
მანამდე აშშ-ის და უკრაინის პრეზიდენტების მოლაპარაკებებში მონაწილეობა დაადასტურეს ევროკომისიის პრეზიდენტმა, ურსულა ფონ დერ ლაიენმა და გერმანიის კანცლერმა, ფრიდრიხ მერცმა.
ელისეის სასახლის მიერ ცოტა ხნის წინ გავრცელებულ განცხადებაში ნათქვამია, რომ ლიდერები ისწრაფვიან ევროპასა და აშშ-ის შორის კოორდინაციისკენ სამართლიანი და ხანგრძლივი მშვიდობის მიღწევის მიზნით, რაც შედის უკრაინისა და ევროპის უსაფრთხოების სასიცოცხლო ინტერესებში.
ამასთან, თეთრ სახლში აშშ-ის, უკრაინის და ევროპელი ლიდერების მოლაპარაკებებში მონაწილეობას მიიღებს ნატო-ს გენერალური მდივანი მარკ რუტეც. შესაბამისი ინფორმაცია ჩრდილოატლანტიკურმა ალიასმა დაადასტურა.