„მსურველთა კოალიცია“ მზადაა, საომარი მოქმედებების დასრულების შემდეგ უკრაინაში დამხმარე ძალები განალაგოს, – ნათქვამია კოალიციის ლიდერების ერთობლივ განცხადებაში.
ლიდერების ვირტუალური შეხვედრა საფრანგეთის პრეზიდენტ ემანუელ მაკრონისა და დიდი ბრიტანეთის პრემიერ-მინისტრ კირ სტარმერის ხელმძღვანელობით გუშინ გაიმართა. შეხვედრაში მონაწილეობდა უკრაინის პრეზიდენტი ვოლოდიმირ ზელენსკიც.
„სამიტის მონაწილეებმა კიდევ ერთხელ დაადასტურეს მზადყოფნა, საომარი მოქმედებების დასრულების შემდეგ უკრაინაში დამხმარე ძალები განალაგონ, ასევე, ხელი შეუწყონ უკრაინის ცისა და ზღვის უსაფრთხოების უზრუნველყოფას და აღადგინონ უკრაინის შეიარაღებული ძალები“, – აღნიშნულია განცხადებაში.
კომენტარები