ჩემი რჩევა პრეზიდენტ ტრამპსა და მარკო რუბიოს: თქვენ უნდა დაარწმუნოთ პუტინი, რომ თუ ეს ომი სამართლიანად და ღირსეულად არ დასრულდება, რაც მოიცავს უკრაინის მიერ დათმობებზე წასვლასაც, ჩვენ რუსეთის ეკონომიკას გავანადგურებთ და ჩვენ ეს შეგვიძლია, – განაცხადა ამერიკელმა სენატორმა ლინდსი გრემმა Fox News-თან ინტერვიუში.
მისი თქმით, ტარიფების დაწესება იმ ქვეყნებისთვის, რომლებიც რუსეთისგან ნავთობსა და გაზს ყიდულობენ, გადამწყვეტია ომის დასრულებისთვის. გრემმა ასევე აღნიშნა, რომ სწორედ ტარიფები, რომლებიც ტრამპმა ინდოეთს დაუწესა, გახდა მიზეზი, რომელმაც პუტინს ალასკაზე ჩასვლა აიძულა.
„რაც შეეხება ალასკის შეხვედრას, ის საკმაოდ წარმატებული იყო. ყველას, ვინც ამბობს, რომ ეს ჩავარდნა იყო ვეტყვი, რომ ეს სასაცილოა. ჩვენ გვაქვს პროგრესი, რაც აქამდე არ გვქონია. ჩვენ გვაქვს მშვიდობის იმპულსი. ვნახოთ, რა მოხდება. მე ამას პრეზიდენტ ტრამპს მივანდობ“, – აღნიშნა სენატორმა.
დონალდ ტრამპსა და ვლადიმერ პუტინს შორის ალასკაზე შეხვედრა 15 აგვისტოს გაიმართა, 18 აგვისტოს კი ვაშინგტონში აშშ-ის პრეზიდენტიუკრაინის პრეზიდენტის ვოლოდიმირ ზელენსკის შეხვდება.