გერმანიის კანცლერი ფრიდრიხ მერცი აცხადებს, რომ ახლა უკრაინისთვის გადამწყვეტი დღეებია. ამის შესახებ მან შეხვედრის შემდეგ გამართულ პრესკონფერენციაზე განაცხადა.
„მაქვს შეგრძნება, რომ ეს გადამწყვეტი დღეებია უკრაინისთვის“, – თქვა მერცმა.
გერმანიის კანცლერმა ასევე აღნიშნა, რომ დღევანდელმა შეხვედრამ მოლოდინებს გადააჭარბა. რაც შეეხება ზელენსკისა და პუტინის შეხვედრას, მერცის თქმით, არ არის დარწმუნებული, რომ პუტინს ამის გამბედაობა ეყოფა.
„მე არ ვარ დარწმუნებული, რომ პუტინს ზელენსკისთან შეხვედრის გამბედაობა ეყოფა“, – განაცხდაა კანცლერმა.
მერცი ასევე მიესალმება დონალდ ტრამპის განცხადებას შესაძლო უსაფრთხოების გარანტიების შესახებ და ამბობს, რომ ამაში მთელმა ევროპამ უნდა მიიღოს მონაწილეობა.
გერმანიის კანცლერის თქმით, დონალდ ტრამპი ესაუბრა რუსეთის პრეზიდენტს და შეთანხმდნენ, რომ ზელენსკისა და პუტინის შეხვედრა უახლოეს ორ კვირაში გაიმართება.