იტალიაში დააკავეს უკრაინელი, რომელიც „ჩრდილოეთის ნაკადის“ აფეთქებაშია ეჭვმიტანილი. ამის შესახებ ინფორმაციას „შპიგელი“ ავრცელებს.
გამოცემის ცნობით, იტალიის პოლიციამ უკრაინაში მოქალაქე სერგეი კ. რიმინის რეგიონში დააკავა. მისი დაკავება მოხდა ევროპული ორდერის საფუძველზე.
როგორც „შპიგელი“ წერს, მილსადენ „ჩრდილოეთის ნაკადზე“ თავდასხმა უკრაინელმა სპეცრაზმელებმა 2022 წლის სექტემბერში განახორციელეს. იუწყებიან, რომ მყვინთავები იალქნიანი იახტით მიიყვანეს მილსადენთან, რათა მათ ზღვის ფსკერზე დაემონტაჟებინათ ასაფეთქებელი ნივთიერება.
სერგეი კ. იმყოფებოდა ხომალდზე სახელწოდებით „ანდრომედა“. პროკურატურა მიიჩნევს, რომ დაკავებული მამაკაცი მყვინთავი არ ყოფილა და, სავარაუდოდ, კოორდინატორის როლს ასრულებდა.
იტალიის სამართალდამცავ ორგანოებში აცხადებენ, რომ ჯერ უცნობია, როდის მოხდება სერგეი კ.-ს გერმანიაში ექსტრადირება.
ცნობისთვის, უკრაინის პრეზიდენტმა მანამდე არაერთხელ განაცხადა, რომ უკრაინას „ჩრდილოეთის ნაკადის“ აფეთქებასთან არაფერი აქვს საერთო.