ოთხი ადამიანის ცხედარი აღმოაჩინეს დღეს ევერესტის ბოლო საბაზო ბანაკის კარავში. ამის შესახებ ცნობას The Himalayan Times ავრცელებს.
ევერესტის დასაპყრობად წასული ორი ალპინისტი – ქალი და კაცი – და მათი გამცილებელი ორი ნეპალელი სიცოცხლის ნიშნების გარეშე იპოვეს კომპანია Seven Summit Treks-ის თანამშრომლებმა, როდესაც მწვერვალიდან კვირას დაღუპული სლოვაკი ვლადიმერ შტრბის ცხედარი ჩამოჰქონდათ.
ალპინისტები სავარაუდოდ კარავში ჟანგბადის უკმარისობით გაიგუდნენ.
მათი ვინაობა ჯერჯერობით არ კონკრეტდება. ნეპალის კულტურის, ტურიზმისა და სამოქალაქო ავიაციის სამინისტროში მათ შესახებ ინფორმაციები გროვდება. ცნობილია, რომ მათთან კავშირი კვირას შეწყდა. შესაბამისად, მათი გარდაცვალების დროც ჯერ არ დადგენილა.
კომენტარები