სერბეთის პრეზიდენტი ალექსანდარ ვუჩიჩი ანტისამთავრობო აქციების მონაწილეებს დიალოგისკენ მოუწოდებს.
სატელევიზიო მიმართვისას ვუჩიჩმა აღნიშნა, რომ მზადაა მოლაპარაკებები გამართოს სტუდენტებსა და ანტისამთავრობო აქციების სხვა წარმომადგენლებთან.
სერბეთში საპროტესტო გამოსვლები გასული წლის ნოემბრიდან იმართება, როდესაც ქალაქ ნოვი-სადის განახლებული რკინიგზის სადგურის სახურავის ჩამონგრევის შედეგად 16 ადამიანი დაიღუპა.
დემონსტრანტები მომხდარს კორუფციას უკავშირებენ და ქვეყანაში ვადამდელი არჩევნების გამართავს ითხოვენ.
„ვფიქრობ, ჩვენთვის უმნიშვნელოვანესია ერთმანეთის მოსმენა და დიალოგის განახლება სერბეთში. მათი მოსმენის მიმართ ჩემი ძალისხმევა, შესაძლოა, ყოველთვის არ იყო საკმარისი. ვაღიარებ ჩემს შეცდომას. მზად ვარ ვისაუბრო. ჩვენ გვჭირდება დიალოგი და არა ქუჩებში ძალადობა. ჩვენ არ გვჭირდება სამოქალაქო ომი და კონფლიქტები“, – თქვა ვუჩიჩმა.