ღაზის ნასერის საავადმყოფოზე ისრაელის იერიშს მეხუთე ჟურნალისტიც ემსხვერპლა. ის თავდასხმის დროს მიღებული დაზიანების შედეგად დაიღუპა.
ისრაელმა ღაზის საავადმყოფოზე იერიში ორჯერ მიიტანა, მეორე დარტყმა იმ დროს განხორციელდა, როდესაც პირველი იერიშის შედეგად დაღუპულებისა და დაშავებულების გამოსაყვანად სამაშველო ოპერაცია მიმდინარეობდა.
გარდაცვლილი ჟურნალისტებიდან ორი სააგენტო „როიტერის“, ერთი – „ასოშიეთიდ პრესასთან“ მომუშავე ფრილანსერი და ორიც – „ალჯაზირას“ თანამშრომელია. საერთო ჯამში, 20 დაღუპულს შორის, ჟურნალისტების გარდა, არიან მშვიდობიანი მოქალაქეებიც. დაშავებულთა შორისაც, სულ მცირე, ერთი ფოტოგრაფია.
მომხდართან დაკავშირებით მოკვლევა დაიწყო ისრაელის თავდაცვის ძალებმა, სადაც აცხადებენ, რომ იერიშის სამიზნე მედიის წარმომადგენლები არ ყოფილან.
კომენტარები