საფრანგეთის პრემიერ-მინისტრმა, ფრანსუა ბაირუმ განაცხადა, რომ 8 სექტემბერს, ეროვნულ ასამბლეაში მთავრობისადმი ნდობის საკითხს დასვამს.
„რესპუბლიკის პრეზიდენტს მივმართე თხოვნით, მოიწვიოს პარლამენტის რიგგარეშე სესია, რომელზეც მთავრობის ნდობის საკითხს დააყენებს“, – განაცხადა მინისტრთა კაბინეტის ხელმძღვანელმა პარიზში გამართულ პრესკონფერენციაზე.
მისი თქმით, „უმრავლესობის არარსებობის შემთხვევაში, მთავრობა დაიშლება“.
მან თავისი გადაწყვეტილება ქვეყანაში არსებული კრიზისული ეკონომიკური მდგომარეობით, უპირველეს ყოვლისა კი, სახელმწიფო ვალის მუდმივი ზრდით ახსნა.
მისი თქმით, „საფრანგეთის სახელმწიფო ვალი ყოველ საათში 12 მილიონი ევროთი იზრდება“, საერთო ჯამში კი, ვალმა უკვე 3.4 ტრილიონ ევროს მიაღწია.
ბაირუმ ასევე აღნიშნა, რომ მხოლოდ ვალის მომსახურებისთვის წლის ბოლომდე 66 მილიარდი ევრო დაიხარჯება.