ზელენსკი და პუტინი თუ არ შეხვდებიან, ამას დიდი შედეგები მოჰყვება, მაგრამ ვნახოთ, რა მოხდება, შეიძლება, საშინელი შედეგები მოჰყვეს, – ამის შესახებ აშშ-ის პრეზიდენტმა, დონალდ ტრამპმა განაცხადა ჟურნალისტის კითხვაზე, იქნება თუ არა შედეგები, თუ პუტინი და ზელენსკი არ შეხვდებიან.
მისი თქმით, უკრაინაში ომი უნდა დასრულდეს.
„არ ვიცი, შეხვდებიან თუ არა. მათ სურთ შეხვედრაზე ჩემი ნახვა. მე ვუთხარი მათ: „თქვენ უნდა იმუშაოთ ამაზე, ეს თქვენ ორს შორისაა და არა ჩვენ შორის“. პუტინთან კარგი ურთიერთობა მაქვს და მეგონა, რომ ამ ომის შეჩერება ადვილი იქნებოდა, მაგრამ ეს ძალიან რთულია. ეს ორივესთვის ძალიან პირადულია: მათ ძალიან არ მოსწონთ ერთმანეთი და ეს უნდა გამოსწორდეს. მათ სურთ, რომ მე იქ ვიყო. შეიძლება, ვიყო, შეიძლება – არა. მაგრამ მინდა, რომ მათ ჯერ თავიანთი უთანხმოებების მოგვარებაზე იმუშაონ და როდესაც ეს მოხდება, ეს ომის დასასრული იქნება“, – განაცხადა ტრამპმა.