აშშ-ის პრეზიდენტის დონალდ ტრამპის მიერ ინდურ საქონელზე დაწესებული 50-პროცენტიანი ტარიფები ძალაში შევიდა. ინფორმაციას Bloomberg-ი ავრცელებს.
გამოცემის ცნობით, ტარიფები ძალაში ვაშინგტონის დროით 00:01, ხოლო თბილისის დროით 06:01 საათზე ამოქმედდა.
როგორც Bloomberg-ი იუწყება, ამერიკის მიერ 50-პროცენტიანი ტარიფების დაწესება განპირობებული იყო იმით, რომ ინდოეთი რუსული ნავთობის შესყიდვას განაგრძობს.
ტარიფები ინდოეთში წარმოებული საქონლის 55% შეეხება. დამატებითი გადასახადებისგან გათავისუფლებულია ფარმაცევტული ნაწარმი და ელექტრონიკა, რაც ინდოეთში ამერიკული კომპანია Apple-ის ინვესტიციებს საფრთხეს თავიდან ააცილებს.
მოსალოდნელია, რომ დამატებითი ტარიფების ტვირთი ყველაზე მეტად ტექსტილისა და საიუველირო დარგებს დააწვება.
კომენტარები