მსოფლიოში ყველაზე პოპულარული სათამაშო ე.წ. სტრესის მომხსნელი Fidget Spinner-ია. ამის შესახებ კვლევა პორნო ვებ-გვერდმა PornHub-მა ჩაატარა. ინფორმაციას The Sun ავრცელებს.
PornHub-ის ცნობით, ხელის სათამაშო ყველაზე პოპულარული თინეიჯერებშია, თუმცა არც უფროსი ადამიანები არიან მის მიმართ გულგრილნი.
სათამაშო, რომელიც განსაკუთრებული საჭიროებების მქონე ბავშვებისთვის გამოიგონეს, ყველა თაობის ადამიანშია პოპულარული. PornHub სტატისტიკას აქვეყნებს, რომლის მიხედვითაც ბოლო 10 დღის განმავლობაში, ვებგვერდზე სათამაშოს გამოყენებისა თუ უბრალოდ თამაშის ამსახველი 2.5 მილიონამდე ვიდეო აიტვირთა.
ვებგვერდის ცნობით, საძიებო სისტემაში Fidget Spinner-ის მაძიებელთა რაოდენობა 282%-ით გაიზარდა და მათი ასაკობრივი კატეგორია 18-24 წელია.
“ნეტგაზეთი“-ს ცნობით კი ამაზონზე ყველაზე ხშირად გაყიდვადი სათამაშოების ოცეულიდან ოცივე სპინერია. Google Trends-ის მიხედვით, ინტერნეტში (მათ შორის საქართველოდან) ძებნის თვალსაზრისით სპინერმა პიკს 2017 წლის მაისში მიაღწია. სათამაშოს ფასი ამაზონზე დაახლოებით 5 ლარიდან იწყება.
The Guardian-ი კი წერს, რომ დიდ ბრიტანეთში, რიგ სკოლებში მოსწავლეებს ამ სათამაშოს სკოლაში ტარება აუკრძალეს, რადგან მასწავლებლებს მიაჩნიათ, რომ ის ხელს უშლის მოსწავლეებს საგანზე კონცენტრირებაში.