დღეს ერთ-ერთი ისტორიული დღეა. ეს დასტური, რაც დღეს არჩევნებმა აჩვენა, ეს იყო ტრიუმფალური გამარჯვება „ქართული ოცნების“. ქართველმა ხალხმა ხმა მისცა საკუთარი ქვეყნის თავისუფლების, ღირსების და დამოუკიდებლობის გადარჩენას, – განაცხადა მხატვარმა ნიკუშა შენგელაიამ გადაცემაში „იმედი LIVE”.
„ეს მარტო პოლიტიკური არჩევნები არ იყო. ეს იყო ეგზისტენციალური არჩევნები, რომელიც კიდევ ერთხელ გამოავლინა ქართველმა ხალხმა საკუთარი ქვეყნის გადარჩენის უდიდესი სურვილი.
ის, რა ვანდალიზმიც ხდება, ეს არის კიდევ მათი სახე, თუ ვინ არიან და რისი შესაძლებლობა აქვთ. პროტესტთან ამას საერთო არ აქვს. ეს არიან ჩვეულებრივი ვანდალები, რომელსაც სამართალდამცავებმა უნდა მიხედონ“, – აღნიშნა ნიკუშა შენგელაიამ.
კომენტარები