აშშ-ს ომის მინისტრის, პიტ ჰეგსეთის ცნობით, ბოლო პერიოდში საზღვაო ნარკოტრეფიკინგის წინააღმდეგ წამოწყებული კამპანიის ფარგლებში აშშ-მ კარიბის ზღვაში იერიში მიიტანა ხომალდზე, რომელსაც ნარკოტიკები გადაჰქონდა, და გემზე მყოფი სამი ნარკოტერორისტი მოკლა.
ამის შესახებ ჰეგსეთმა X-ზე დაწერა.
“დღეს პრეზიდენტ ტრამპის მითითებით ომის დეპარტამენტმა ლეტალური კინეტიკური იერიში მორიგ ნარკოტიკების გადამზიდ მორიგ ხომალდზე მიიტანა, რომელსაც კარიბის ზღვაში ტერორისტულ ორგანიზაციად განსაზღვრული ჯგუფი მართავდა.
ჩვენმა დაზვერვამ იცოდა, რომ ეს ხომალდი, ისევე როგორც ყველა სხვა, ნარკოტიკების უკანონო გადაზიდვაში იყო ჩართული, ცნობილ სანარკოტრეფიკინგე გზაზე გადაადგილდებოდა და ნარკოტიკები გადაჰქონდა. იერიშის დროს, რომელიც საერთაშორისო წყლებში მივიტანეთ, ხომალდზე სამი ნარკოტერორისტი იმყოფებოდა. სამივე ტერორისტი მოკლულია და იერიშის დროს არცერთი ამერიკელი სამხედრო არ დაშავებულა.
ამ ნარკოტერორისტებს ჩვენს ნაპირებზე ნარკოტიკები მოაქვთ, რათა ამერიკელები სახლში მოწამლონ და ისინი წარმატებას ვერ მიაღწევენ. დეპარტამენტი მათ ზუსტად ისე მოეპყრობა, როგორც ალ-კაიდას მოვეპყარით. მათთვის თვალის დევნებას, მათ რუკაზე დატანას, მათზე ნადირობასა და მათ მოკვლას გავაგრძელებთ“. – წერს ჰეგსეთი.