ბელგიის სამხედრო ბაზის თავზე ზედიზედ მესამე ღამეა, უპილოტო საფრენი აპარატები შენიშნეს. დრონები კლაინე-ბროგელის სამხედრო ბაზის თავზე დაფრინავდნენ.
სამხედრო ბაზაზე ვერტმფრენის მობილიზება მოხდა, თუმცა უპილოტო აპარატები გაუჩინარდნენ და სავარაუდოდ ნიდერლანდების მიმართულებით გაფრინდნენ.
31 ოქტომბერს და 1-ელ ნოემბერს ლიმბურგის პროვინციაში, სამხედრო ბაზის თავზე დრონის გამოჩენის შესახებ გავრცელდა ინფორმაცია. ბელგიის თავდაცვის მინისტრმა, თეო ფრანკენმა განაცხადა, რომ გამოძიება მიმდინარეობს. დრონები ასევე შენიშნეს ლეოპოლდბურგისა და მარშ-ან-ფამენის სამხედრო ტერიტორიების, ასევე დურნისა და ოსტენდის აეროპორტების თავზეც.
კომენტარები