დონალდ ტრამპის განცხადებით, რადიკალი მემარცხენე ამბოხებულები უკანონოდ მართავდნენ ბაიდენის ადმინისტრაციას. სოციალურ ქსელში ტრამპი აღნიშნავს, რომ ყველაფერი, რაც ავტომატური ფაქსიმილეს საშუალებით არის ხელმოწერილი, აღარ აქვს ძალა.
„ადამიანს, რომელმაც ავტომატური ფაქსიმილე გამოიყენა, წარმოდგენაც არ ჰქონდა, ეთანხმებოდა თუ არა ბაიდენი იმას, რასაც ის აკეთებდა. არ არსებობდა წერილობითი ბრძანება და ეს იყო აბსოლუტურად უკანონო აქტი, რომელიც ჩაიდინეს რადიკალურმა მემარცხენე ამბოხებულებმა, რომლებიც უკანონოდ მართავდნენ ბაიდენის ადმინისტრაციას. თითოეული მათგანი უნდა დააპატიმრონ, იმისთვის რაც ჩვენს ქვეყანას გაუკეთეს. მათ არ მოუგიათ საპრეზიდენტო არჩევნები, მაგრამ ამაზე როცა ფიქრობ, ჯო ბაიდენსაც არ მოუგია. ყველაფერი გაყალბებული იყო. უნდა გადაიხადონ ფასი, თანაც დიდი ფასი“, – წერს ტრამპი.