ნორვეგიის პრემიერ-მინისტრის, იონას გაჰრ სტორეს განცხადებით, გრენლანდია დანიის სამეფოს ნაწილია და ნორვეგია სრულად უჭერს მხარს დანიის სამეფოს ამ საკითხში. მან დასძინა, რომ ნორვეგიის პოზიცია გრენლანდიასთან დაკავშირებით მტკიცეა.
ნორვეგიის მთავრობის ხელმძღვანელის თქმით, ოსლო ასევე მხარს უჭერს არქტიკაში უსაფრთხოებისა და სტაბილურობის უზრუნველყოფის სამუშაოს პასუხისმგებლობიან გაძლიერებას.
სტორემ ასევე დაადასტურა აშშ-ის პრეზიდენტის მხრიდან წერილის მიღება, რომლის შესახებაც მანამდე მედია წერდა. თავის გზავნილში ტრამპმა აღნიშნა, რომ ნობელის მშვიდობის პრემიის ვერმოპოვების გამო „თავს ვალდებულად აღარ გრძნობს, მხოლოდ მშვიდობაზე იფიქროს“.
კომენტარები