უნგრეთის პრემიერ-მინისტრი, ვიქტორ ორბანი ევროკავშირში უკრაინის შესაძლო გაწევრიანების საკითხს კიდევ ერთხელ შეეხო.
როგორც უნგრეთის მთავრობის თავმჯდომარე სოციალურ ქსელ X-ში წერს, უნგრელების 95%-მა ევროკავშირში უკრაინის სწრაფ გაწევრიანებაზე უარი თქვა, იმიტომ რომ მათ ფერმერების, ოჯახების უსაფრთხოების დაცვა სურთ.
„ევროპელების სამი მეოთხედი ევროკავშირში უკრაინის სწრაფ გაწევრიანებას უარყოფს. ამის მიუხედავად, ბრიუსელი მაინც წინ მიიწევს. მათთვის სულ ერთია, რას ფიქრობს ხალხი. ჯერ კიდევ ცოტა ევროპულ მთავრობას აქვს საკმარისი ძალა, რათა წინ აღუდგეს ბრიუსელის ნებას. უნგრეთი – ერთ-ერთი გამონაკლისია. უნგრელების 95%-მა ევროკავშირში უკრაინის სწრაფ გაწევრიანებაზე უარი თქვა, იმიტომ რომ მათ ჩვენი ფერმერების, უნგრეთის ოჯახებისა და მშვიდობის დაცვა სურთ“, – დაწერა ორბანმა.
მისი თქმით, უნგრეთის პატრიოტული მთავრობა წნეხის მიუხედავად არ დანებდება.