ბრაზილიაში, ამაზონში მოგზაურობის დაწყებიდან მალევე, ტურისტული გემი ჩაიძირა, რის შედეგადაც 2 ადამიანი დაიღუპა, მათ შორის, 3 წლის გოგონა. 7 ადამიანი ამ დრომდე დაკარგულად ითვლება. ინფორმაციას dailymail-ი ავრცელებს.
ნავი პარასკევს, ბრაზილიაში, მანაუსში, მდინარეების რიო ნეგროსა და რიო სოლიმოესის შესართავთან ჩაიძირა.
მაშველებმა სულ 71 ადამიანი გადაარჩინეს, თუმცა ამაზონას შტატის ჯანდაცვის დეპარტამენტმა სამი წლის სამილა დე სოუზას გარდაცვალება დაადასტურა. მეორე მსხვერპლი 22 წლის ლარა ბიანკა იყო.
ნავი ბრაზილიის ქალაქიდან პარასკევს, ადგილობრივი დროით 12:30 საათზე გავიდა და ნოვა ოლინდა დუ ნორტესკენ მიემართებოდა.
მედიაში ვრცელდება კადრები, რომლებიც შემთხვევის ადგილზეა გადაღებული. კადრებში ქალები, ბავშვები და მამაკაცები ჩანან, რომლებიც წყალში სამაშველო ჟილეტებით ტივტივებენ.
