უნგრეთი და სლოვაკეთი ხორვატიას სთხოვენ, „დრუჟბას“ ნავთობსადენით, რომელიც უკრაინის გადის, უზრუნველყოს რუსული ნედლეულის მიწოდება ადრიატიკის ნავთობსადენით JANAF.
ამის შესახებ სოციალურ ქსელში უნგრეთის საგარეო საქმეთა მინისტრმა, პეტერ სიიარტომ დაწერა.
მისი თქმით, ხორვატია ამ მოთხოვნის შესრულებას შეძლებს სანქციებში არსებული გამონაკლისის საფუძველზე, რომელიც „მილსადენით ნავთობის მიწოდების შეფერხების შემთხვევაში რუსული ნედლეულის საზღვაო გზით იმპორტს ითვალისწინებს“.
თავის მხრივ, ხორვატიის ეკონომიკის მინისტრმა, ანტე შუშნიარმა მზადყოფნა გამოთქვა მეზობელი ქვეყნების დასახმარებლად.
„ხორვატია არ დაუშვებს, რომ ცენტრალურ ევროპაში საწვავის მიწოდება საფრთხის ქვეშ დადგეს. მზად ვართ, გადავჭრათ შეფერხებების მწვავე პრობლემა ევროკავშირის კანონმდებლობისა და აშშ-ის სახაზინო დეპარტამენტის უცხოური აქტივების კონტროლის ოფისის წესების ფარგლებში. არავინ უნდა დარჩეს საწვავის გარეშე“, – წერს მინისტრი.
ამასთან, შუშნიარმა აღნიშნა, რომ კრიტიკის მიუხედავად ადრიატიკის ნავთობსადენი ასამუშავებლად მზად არის და, შესაბამისად, ევროკავშირის ნებისმიერი ქვეყნისთვის აღარ არსებობს ტექნიკური გამართლება, გააგრძელოს რუსულ ნავთობზე დამოკიდებულება.
„რუსეთისგან ნაყიდი ბარელი შესაძლოა, ზოგ ქვეყანას იაფად ეჩვენებოდეს, მაგრამ ის ომის დაფინანსებას და უკრაინელი ხალხის წინააღმდეგ თავდასხმებს უწყობს ხელს“, – განაცხადა მინისტრმა.
მანამდე, უნგრეთის მთავრობაში არაერთხელ განაცხადეს, რომ ადრიატიკის ნავთობსადენი ნავთობის საჭირო მოცულობებით ტრანსპორტირებას ვერ უზრუნველყოფს, ხოლო ხორვატიის ხელისუფლებამ ტრანზიტის საფასური გაზარდა, რამაც უნგრეთისთვის მიწოდება კომერციულად არამომგებიანი გახადა.
ცნობისთვის, ნავთობსადენ „დრუჟბით“ ნედლეულის მიწოდება 27 იანვრიდან არის შეჩერებული. უკრაინის საგარეო საქმეთა მინისტრმა, ანდრეი სიბიჰამ განმარტა, რომ ეს უკავშირდება უნგრეთის მიერ უკრაინის ტერიტორიაზე მილსადენის მონაკვეთზე რუსეთის დარტყმის ფაქტის დამალვას. საპასუხოდ ბუდაპეშტში განაცხადეს, რომ უკრაინულმა მხარემ მილსადენის ამ მონაკვეთზე ელექტრომომარაგება გამორთო. სლოვაკეთის პრემიერ-მინისტრმა, რობერტ ფიცომ 15 თებერვალს უკრაინა ექსპორტის განახლების განზრახ გაჭიანურებაში დაადანაშაულა.
როგორც „როიტერი“ წერს, უნგრეთის ენერგეტიკულმა კომპანიამ უკვე მიმართა მთავრობას ნავთობის სტრატეგიული მარაგების გამოყენების ნებართვის თხოვნით,