თითქმის 13-წლიანი პაუზის შემდეგ, 2018 წლის იანვრიდან, ავტომანქანების ტექნიკური დათვალიერება სავალდებულო ხდება.
პირველ რიგში, ეს სიახლე სამგზავრო და სატვირთო ავტომობილებს შეეხება. უკვე ცნობილია, რომ ავტომანქანებს 12 კრიტერიუმით შეაფასებენ.
ასვე ცნობილი ხდება, რომ 2018 წლიდან ტაქსის მძღოლებს რამდენიმე მოთხოვნა დაუწესდებათ. ტაქსის მძღოლმა ტრანსპორტის საქალაქო სამსახურში საინფორმაციო ტაბლო უნდა აიღოს.
“ეს უნდა იყოს უმტკივნეულო ტაქსის მძღოლებისთვის და კომფორტული მგზავრებისთვის. ტაქსის მძღოლს ექნება საინფორმაციო ტაბლო – სახელი და გვარი, საკონტაქტო მონაცემები, კომპანია. საინფორმაციო ტაბლო თუ არ ექნება, ე. ი. არ აქვს საქმიანობის ნებართვა. ნებართვა ნიშნავს, რომ მძღოლი ჯანმრთელია და ავტომობილი ტექნიკურად გამართულია. ნებართვის ღირებულება მძღოლისთვის მისაღები იქნება”, – განაცხადა თბილისის ტრანსპორტის საქალაქო სამსახურის უფროსმა, მამუკა მუმლაძემ.