პრეზიდენტის პრესსპიკერის, ეკა მიშველაძის განცხადებით პრეზიდენტი მიესალმება ნარკოპოლიტიკის შესახებ კანონმდებლობის ლიბერალიზაციას.
როგორც მიშველაძემ განმარტა, ნარკოპოლიტიკის შესახებ კანონმდებლობის ლიბერალიზაციაზე საუბრისას აუცილებელია, რამდენიმე ფაქტის გათვალისწინება.
“მომხმარებლების მიმართ იგეგმება ნარკოპოლიტიკის ლიბერალიზაცია. ჩვენ მივესალმებით ასეთ ცვლილებებს. უბრალოდ როდესაც არის საუბარი ნარკოპოლიტიკის ლიბერალიზაციასთან დაკავშირებით, უნდა გავითვალისწინოთ რამდენიმე ფაქტორი. კერძოდ, პირველ რიგში ის, როგორ განვიხილავთ ნარკომომხმარებლებს – ისინი არიან დამნაშავეები თუ სჭირდებათ დახმარება. ასევე უნდა გავითვალისწინოთ ის განცდა, რომელიც არის საზოგადოებაში, რომ დღევანდელ ნარკოპოლიტიკას იყენებენ რეპრესიული მექანიზმებისთვის. ასევე ძალიან მნიშვნელოვანია, რომ ნარკომომხმარებლებისთვის კანონმდებლობა იყოს ლიბერალური, ხოლო მკაცრი ნარკოდილერებთან და გამსაღებლებთან მიმართებაში“,- განაცხადა პრეზიდენტის პრესსპიკერმა.