თინა ხიდაშელი და გიორგი კანდელაკი გამოკითხვაზე მივიდნენ. ამ ფორმით, სასამართლოში გამოკითხვა მათ თავად მოითხოვეს. საქმე ეხება მათ მიერ გავრცელებულ ინფორმაციებს, სადაც საუბრობდნენ, რომ საქართველოში პროირანული გავლენები გაჩნდა.
გამოძიება მიმდინარეობს 319-ე მუხლით, რაც უცხო ქვეყნისთვის, უცხოეთის ორგანიზაციისთვის ან უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარებას გულისხმობს.
გამოკითხვის დაწყებამდე მედიასთან კომენტარი გააკეთა გიორგი კანდელაკმა.
„რაც წერია კვლევაში, რომლის თანაავტორიც მე ვარ, ეს არის ჰადსონის ინსტიტუტის ინტელექტუალური საკუთრება. ყველაფერი არის საჯაროდ ცნობილი. არც სხვა კვლევებში, მაგალითად თინა ხიდაშელი კვლევაში, ან საჯარო განცხადებებში, რაც გაკეთდა სხვა ადამიანების მხრიდან – გივი თარგამაძის, ან სანიკიძის მხრიდან, არაფერი თქმულა ისეთი, რაც ცნობილი არ არის“, – განაცხადა კანდელაკმა.