ერაყის ჩრდილოეთში, ერბილის რეგიონში განხორციელებული დრონებით თავდასხმის შედეგად, ექვსი ფრანგი სამხედრო მოსამსახურე დაშავდა. ინფორმაცია ამის შესახებ გამოცემა Le Figaro საფრანგეთის შეიარაღებული ძალების გენერალურ შტაბზე დაყრდნობით ავრცელებს.
გენერალური შტაბის განცხადებით, დაჭრილი ჯარისკაცები ჩართულნი იყვნენ ერაყელი პარტნიორების გადამზადების პროცესში, რაც ტერორიზმთან ბრძოლის კამპანიის ნაწილია. დაშავებულები დაუყოვნებლივ გადაიყვანეს უახლოეს სამედიცინო ცენტრში შესაბამისი დახმარების მისაღებად.
აღსანიშნავია, რომ ერბილში – ერაყის ქურთისტანის დედაქალაქში – თავდასხმის სამიზნე ასევე გახდა იტალიური სამხედრო ბაზაც.
იტალიურ ბაზაზე თავდასხმას მსხვერპლი ან დაშავებულები არ მოჰყოლია.
კომენტარები