დიდი ბრიტანეთის ყოფილმა პრემიერ-მინისტრმა, ლიზ ტრასმა მორიგი პოდკასტი ჩაწერა, რომელიც „დიფ სთეითის“ თემას მიუძღვნა.
გადაცემის ახალ ეპიზოდში ტრასი სვამს კითხვას, თუ საიდან მოდის ფული „დიფ სთეითისა“ და მისი ქსელებისთვის? ვინ სარგებლობს, ვინ რჩება მოგებული და რამდენად ღრმად გაიდგა ფესვები „დიფ სთეითმა“ მედიაში, საქველმოქმედო ორგანიზაციებსა და სახელმწიფო უწყებებში?
ლიზ ტრასმა კონკრეტული სახელები დაასახელა, ვინც „დიფ სთეითს“ აფინანსებს და რომელთა იდეოლოგია უბრალო მოქალაქეების პრიორიტეტებისგან რადიკალურად განსხვავდება.
„ქსელები, რომლებიც „დიფ სთეითის“ საფუძველს წარმოადგენს, ესაა სოროსი და მისი აქტივისტები, რომლებიც იპყრობენ სახელმწიფოებს, კორპორაციებს და დასავლეთის ქვეყნების მედიას. თუ უბრალო ადამიანის პრიორიტეტი ფულის შოვნა, საცხოვრებლის შეძენა, შვილებისთვის კარგი განათლების მიცემა, უსაფრთხოება და დანაშაულთან ბრძოლაა, ეს შეშლილები კონცენტრირებულნი არიან სახელმწიფოსა და კერძო სექტორზეც კი, როგორიცაა ნახშირბადის შემცირება, ტრანსგენდერული იდეოლოგია და ღია საზღვრები.
ისინი თავიანთ კვალს მემარჯვენეების ლანძღვით ფარავენ. გვადანაშაულებენ იმაში, რაშიც თავად არიან დამნაშავეები. მილიარდერი აქტივისტები: ჯორჯ სოროსი, ებიგეილ დისნეი და მაიკლ ბლუმბერგი მხარდაჭერას უწევენ ისეთი ორგანიზაციების ქსელებს, როგორიცაა საწვრთნელი ბანაკები გლობალისტების მომავალი თაობისთვის, აწარმოებენ გავლენის კამპანიებს, რომელიც მართლმსაჯულების სისტემას ამახინჯებს.
მეტიც, ისინი სახელმწიფო ხარჯებიდან კოლოსალურ თანხებს იღებენ, რომელსაც ფაქტობრივად გადასახადების გადამხდელებს ჰპარავენ“, – თქვა ტრასმა.