ქუვეითში მდებარე ალი ალ სალემის სამხედრო ბაზაზე, სადაც ამერიკელი და იტალიელი სამხედროები არიან განლაგებული, უპილოტო საფრენი აპარატებით თავდასხმა განხორციელდა, რის შედეგადაც განადგურდა იტალიური დრონები, რომლებიც ოპერატიული მისიების შესასრულებლად გამოიყენებოდა. ამის შესახებ ინფორმაციას იტალიის თავდაცვის გენერალური შტაბი ავრცელებს.
იტალიის თავდაცვის გენერალური შტაბის ინფორმაციით, თავდასხმის შედეგად ანგარი დაზიანდა, ხოლო შიგნით არსებული დრონები განადგურდა.
გავრცელებული ცნობით, თავდასხმის დროს პერსონალი უსაფრთხოდ იყო და არავინ დაშავებულა.
იტალიურ მხარეს არ დაუკონკრეტებია, ვის ეკუთვნოდა დრონი, რომლითაც ბაზაზე თავდასხმა განხორციელდა.
კომენტარები