ეროვნული თავდაცვის აკადემიის იუნკერმა, თავდაცვისა და უსაფრთხოების უფროსთან ერთად, მონაწილეობა მიიღეს უნგრეთში ევროპის უსაფრთხოების ორკვირიან პროგრამაში

სსიპ – დავით აღმაშენებლის სახელობის საქართველოს ეროვნული თავდაცვის აკადემიის იუნკერმა, თავდაცვისა და უსაფრთხოების მიმართულების უფროსთან ერთად, მონაწილეობა მიიღეს უნგრეთის რესპუბლიკაში, ქალაქ ბუდაპეშტში, ლუდოვიკას სახელობის უნივერსიტეტის მიერ ორგანიზებულ ევროპის უსაფრთხოების ორკვირიან პროგრამაში.
პროგრამა განხორციელდა შერეული ფორმატით და მოიცავდა ერთკვირიან დისტანციურ და ერთკვირიან ადგილზე, დასწრებით სასწავლო კომპონენტს.
პროგრამის ფარგლებში მონაწილეებმა განიხილეს თანამედროვე უსაფრთხოების გარემოსთან დაკავშირებული აქტუალური საკითხები, მათ შორის: დეზინფორმაცია და მასთან ბრძოლის მექანიზმები, კიბერუსაფრთხოება, ჰიბრიდული საფრთხეები და სხვა მნიშვნელოვანი მიმართულებები.
აღნიშნული პროგრამა განხორციელდა Erasmus+ სტუდენტთა გაცვლითი პროგრამის მხარდაჭერით და მიზნად ისახავდა მონაწილეთა პროფესიული ცოდნის გაღრმავებასა და საერთაშორისო თანამშრომლობის გაძლიერებას უსაფრთხოების სფეროში.