ქეთი დევდარიანის განცხადებასა და ბრალდებას, ხელისუფლება „ნაციონალური მოძრაობის“ ხელწერასა და პროპაგანდას უწოდებს, რადგან ბიუროკრატია, იმ ევროპული ღირებულებას უპირისპირდება, რასაც მედიის თავისუფლება ჰქვია. კერძოდ, დევდარიანმა თქვა, რომ „ნაცმოძრაობის“ რეჟიმის მიერ წართმეული ტელეკომპანია “იმედის” კანონიერი მფლობელისთვის დაბრუნება არხის “წაღება” იყო. მან ეს ბრალდება ბიძინა ივანიშვილს წაუყენა.
საპარლამენტო უმრავლესობის წევრის, საფინანსო-საბიუჯეტო კომიტეტის თავმჯდომარის პირველი მოადგილის, ირაკლი ხელაძის შეფასებით, ეს განცხადება უტიფრობაზე მიუთითებს.
„ბიძინა ივანიშვილთან დაკავშირებით მსგავსი განცხადებების გაკეთება მიუთითებს იმ უტიფრობაზე, რასაც კადრულობენ კოლეტქიური „ნაციონალური მოძრაობა“, მათი პროპაგანდისტები, მათი წარმომადგენლები. ეს ტელევიზია ბიძინა ივანიშვილმა თავისი მოსვლით, ჩვენს ქვეყანაში დემოკრატიული წყობილების აღდგენით კანონიერ მესაკუთრეს დაუბრუნა კანონიერ მესაკუთრეს, რომელიც „ნაციონალური მოძრაობის“ მიერ იყო მიტაცებული და ქვეყანაში დემოკრატიული სიტყვა, თავისუფალი სიტყვა, თავისუფალი მედია დააბრუნა. ქართველმა ხალხმა კარგად იცის ბიძინა ივანიშვილის როლი ქართული სახელმწიფოს ჩამოყალიბებაში და იმ მნიშვნელოვანი ცვლილებების განხორციელებაში, რომლებმაც დღევანდელი რეალობა შექმნა”, – განაცხადა დეპუტატმა.