ვლადიმერ პუტინმა მოსკოვის წითელ მოედანზე, გამარჯვების დღისადმი მიძღვნილ ყოველწლიურ გამოსვლაზე, NATO დაგმო.
როგორც BBC-ი წერს, ასობით სამხედრო მოსამსახურის წინაშე და რამდენიმე მსოფლიო ლიდერის თანხლებით გამოსვლისას, რუსეთის პრეზიდენტმა განაცხადა, რომ ის “სამართლიან” ომს აწარმოებდა და უკრაინას “აგრესიული ძალა” უწოდა, რომელსაც მისი თქმით, “ნატოს მთელი ბლოკი აიარაღებს და მხარს უჭერს”.
თითქმის ორი ათწლეულის შემდეგ პირველად, მოსკოვიშიმეორე მსოფლიო ომში გამარჯვების 81-ე წლისთავისადმი მიძღვნილ აღლუმზე სამხედრო ტექნიკა არ იყო წარმოდგენილი.
“გამარჯვებულთა თაობის დიდი ნამოქმედარი, დღეს სპეციალური სამხედრო ოპერაციის მიზნების განმახორციელებენ ჯარისკაცებს შთააგონებს,” – თქვა პუტინმა უკრაინაში მიმდინარე ომზე საუბრისას.
პუტინის უკან ბელორუსის ლიდერი ალექსანდრე ლუკაშენკო იდგა.
ღონისძიებას ასევე ესწრებოდნენ ლაოსის პრეზიდენტი ტონგლოუნ სისულითი და მალაიზიის მეფე, სულთან იბრაჰიმი.
გასული წლის 80 წლის იუბილესთან შედარებით, რომელშიც ჩინეთის პრეზიდენტი სი ძინპინი და ბრაზილიის პრეზიდენტი ლუის ინასიუ ლულა და სილვა მონაწილეობდნენ, მსოფლიო ლიდერების რაოდენობა წელს მნიშვნელოვნად ნაკლები იყო.