ოკუპანტებმა კიდევ ერთი მწყემსი გაიტაცეს – ამჯერად ქარელის მუნიციპალიტეტის სოფელ ავლევის მკვიდრი. 62 წლის აბელი კოკოლაშვილი საძოვარზე პირუტყვს მწყემსავდა, რა დროსაც საოკუპაციო ძალების წარმომადგენლებმა დააკავეს.
ის ცხინვალში წინასწარი დაკავების იზოლატორში ე.წ საზღვრის უკანონო კვეთის ბრალდებით გადაიყვანეს.
დღეს, ამ შემთხვევამდე რამდენიმე საათით ადრე, ოკუპანტებმა სოფელ წითელუბნის ორი მკვიდრი, ვასილ ბოლოთაევი და თენგიზ კაჯილოვი, სოფლის მიმდებარე საძოვარზე პირუტყვის მომწყემსვის დროს დააკავეს და ცხინვალის იზოლატორში გადაიყვანეს.
კომენტარები