ორი დიპლომატის ცნობით, ბულგარეთი რუსეთის წინააღმდეგ მიმართული ევროკავშირის სანქციების 21-ე პაკეტის ნაწილს მხარს არ უჭერს.
ევროკომისიის მიერ 9 ივნისს წარდგენილი სანქციების 21-ე პაკეტს ევროკავშირის წევრი სახელმწიფოები ამჟამად იხილავენ.
სანქციები მოიცავს ისეთ სექტორებს, როგორიცაა ენერგეტიკა, ფინანსური მომსახურება, კრიპტოვალუტები და ვაჭრობა. გარდა ამისა, პირველად არის შეთავაზებული ევროკავშირის ტერიტორიაზე შესვლის აკრძალვა იმ რუსი სამხედრო მოსამსახურეებისთვის, რომლებმიც უკრაინის წინააღმდეგ აგრესიაში მონაწილეობდნენ.
ზოგიერთი ევროპული მედიასაშუალების ცნობით, ევროკავშირი კვლავ ცდილობს სანქცირებულთა სიაში შეიყვანოს რუსეთის პატრიარქი კირილე. მისთვის სანქციების დაწესება ევროკავშირმა ჯერ კიდევ 2022 წელს სცადა, მაგრამ მაშინ უნგრეთმა ამ გადაწყვეტილებას ვეტო დაადო. რუსეთის მართლმადიდებელი ეკლესიის პატრიარქის მიმართ წაყენებული ბრალდებები ისეთი პროპაგანდის გავრცელებას უკავშირდება, რომელიც უკრაინაში ომს ამართლებს.
https://bntnews.bg/news/politiko-balgariya-se-protivopostavya-na-chasti-ot-21-viya-paket-ot-sankcii-sreshtu-rusiya-1398818news.html