აშშ-ის პრეზიდენტმა, დონალდ ტრამპმა კირ სტარმერის გადადგომა შეაფასა და აღნიშნა, რომ მან საკუთარ პოლიტიკურ კარიერას დიდი ზიანი მიაყენა.
აშშ-ის პრეზიდენტმა სტარმერს „ძალიან კარგი ადამიანი“ და „მეგობარი“ უწოდა, თუმცა მისი მმართველობა მკაცრად გააკრიტიკა.
ტრამპმა განსაკუთრებული ყურადღება გაამახვილა ნატოსთან დაკავშირებულ უთანხმოებაზე და განაცხადა, რომ სტარმერის მიერ გარკვეული ტერიტორიების გამოყენებაზე შეზღუდვების დაწესება პოლიტიკურად მცდარი ნაბიჯი იყო.
მისი შეფასებით, სტარმერის პოლიტიკური კრახის მთავარი მიზეზები ქვეყანაში არსებული ენერგეტიკული კრიზისი, მიგრაციასთან დაკავშირებული გამოწვევები და დანაშაულის მაღალი დონე გახდა.
მიუხედავად მკაცრი კრიტიკისა, აშშ-ის პრეზიდენტმა ყოფილ პრემიერს წარმატებები უსურვა და კიდევ ერთხელ გაუსვა ხაზი იმ ფაქტს, რომ სტარმერმა საკუთარ თავს ძალიან დიდი ზიანი მიაყენა.