საქართველოს საგარეო პოლიტიკის სტრატეგია უნდა იყოს მრავალვექტორული, – განაცხადა გადაცემაში „იმედი Live” „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა.
მისივე თქმით, საქართველომ უნდა განსაზღვროს ისეთი სტრატეგიული მიზანი, რომელიც მიღწევადია.
„რამდენიმე დღის წინ საქართველოში იმყოფებოდა უზბეკეთის პირველი პირი, ამან ისე ჩაიარა, აი ჩამოვიდა, თანამშრომლობა გაფორმდა. თქვენ წარმოიდგინეთ, მარტა კოსი ერთ-ერთი გადაფრენის დროს, რომ დამჯდარიყო ცოტახნით თბილისში რა აჟიოტაჟი ატყდებოდა. ჩვენშია ეს საშინელი პროვინციალიზმი, ოღონდ ევროპელებმა მოგვაპყრონ ყურადღება. საქართველოს საგარეო პოლიტიკის სტრატეგია უნდა იყოს მრავალვექტორული. ჩვენ ამ 35 წლის მანძილზე უნდა გვემუშავა იმაზე, რომ ვყოფილიყავით ნეიტრალური ქვეყანა, საქართველო ყოფილიყო სავაჭრო და ფინანსური ინტერესების თანხვედრის ჰაბი“, – განაცხადა ბიძინა გიორგობიანმა.