საფრანგეთში ტყის ხანძრებთან დაკავშირებით ქვეყნის 22 დეპარტამენტში 32 პირია დაკავებული.
ქვეყნის შინაგან საქმეთა მინისტრის, ლორან ნუნეზის განცხადებით, დაკავებულ პირებს ბრალად ბოლო კვირების განმავლობაში ტყის ხანძრების განძრახ გაჩენა ედებათ.
მინისტრის თქმით, მსგავსი შემთხვევების აღმოჩენისას სამართალდამცავებს მკაცრი რეაქცია ექნებათ.
ამასთან, საფრანგეთის პრეზიდენტმა, ემანუელ მაკრონმა განაცხადა, რომ ქვეყანაში ბოლო დროს დაფიქსირებული 10 ხანძრიდან 9 ადამიანის მიერ არის გაჩენილი.
„ყველა პასუხისმგებელია საკუთარ საქციელზე. ვიყოთ ფხიზლად“, – მოუწოდა მაკრონმა მოსახლეობას.
ოფიციალური ინფორმაციით, 2026 წელს საფრანგეთში ტყის ხანძრებმა, სულ მცირე, 25 000 ჰექტარი ფართობი გაანადგურა.
ცნობითვის, საფრანგეთის მთავრობამ ჰაერის მაღალი ტემპერატურის ფონზე საგანგებო გეგმა გაააქტიურა იმ დეპარტამენტებში, სადაც მეტეოროლოგიის „წითელი“ განგაშია გამოცხადებული. ამ დროისთვის მსგავსი განგაში ქვეყნის 24 დეპარტამენტში მოქმედებს, 59 დეპარტამენტში კი – „ნარინჯისფერი“. ოფიციალური მონაცემებით, ივნისში ჰაერის მაღალ ტემპრატურსთან კავშირში 2 000-ზე მეტი გარდაცვალება დააფიქსირეს.